انا دنيتة
انا دنيتة بحالها وحياتة كلها
انا اهلة وانا ناسة وروح قلبة وحبيبتة
انا اللي لو يغلط مسامحة في حقها
وانا اللي لما يغيب عليها ترد غيبتة
انا الحضن اللي من تعبة بيهرب لية
انا القلب اللي من خوفة بيتحامي بية
انا مش واحدة بتحبة وبتموت فية
انا بموت في التراب اللي بيمشي علية
انا عمري ما اتغيرت يوم من ناحيتة
وانا اللي راضية تنصفة لو كان ظالمها
وانا اللي لما بيشتكي من وحدتة
يبقي معاة قلبي وروحي صحابة يومها
حب امتلاك
اتقالى عنه ياريت تحاولى تحاسبى منه
ده كتير بيوعد بس مابيوفيش بوعد
اديتله فرصة يحبنى عرفت انة
كان ناوى نتصاحب شوية وننسى بعض
مكنش ناوي خير يوميها يا قلبى لية
ومكنش ناوى خير من الاول معاك
يدوب ده كان بيرضى بس غروره بية
وحبه لية يا قلبى كان حب امتلاك
مش فاهمه بس ازاى وليه عدت علية
وانا غلطتى ان مشاعرى خليتنى اندفعت
لما اتعاملت معاه بطيبه وحسن نيه
كانت النتيجه ان النهاردة لاقيتنى ضعت
علي فكرة
علي فكرة مقولتليش كلام حلو النهاردة
ماتجيش بقي تطلب حاجة مني وعايز اعملها وارضي
من مدة ماجبتليش يا حبيبي انشالله وردة
بقيت تشوفني وماتقوليش يا حبيبتي اية القمر دة
انا تكسبني يدوب بكلام يتقالي ولو ميت مرة
ياسيدي باين اي اهتمام لا امشي انا مش مضطرة
اصلك انتا اللي معودني وبتهودني
كلمة حلوة يدوب تسعدني من غيرها حياتي باردة
انا طبعا مقدميش غير ان اتقل ولا ابين
غلطان قوي اصلك تملكني بكلمتين وانتا حنين
اصلك انتا اللي معودني وبتهودني
كلمة حلوة يدوب تسعدني من غيرها حياتي باردة
اسمع كلامي
اسمع كلامي وصدقه انتا اللي روحي بتعشقه
كان حلم نفسي احققه ان ابقي ليك
قربني منك ضمني قد ما احبك حبني
مين غيرك انتا يهمني دة انا روحي فيك
ملهوفة عليك ومسلمة تقدر تقول مستسلمة
حاسة ان طايرة في السما واخدني الشوق
متحيرة ومتغيرة وكاني لسة صغيرة
لو بحلم انا بالحلم دة مش عايزة افوق
لحظة حنان انا عشتها لحظة ما شوفتك وقتها
وباعلي صوت انا قولتها هفضل معاك
جنبك طريقي هكملة لو لسة عمري في اولة
المستحيل انا هعملة علشان هواك
الطفلة البريئة
الطفلة البريئة المغمضة بقت من النهاردة مش كدة
بقيت واحدة تانية متمردة والفضل ليك
الطفلة اللي فية اتغيرت عقلت واديها اتشطرت
كانت بين ايديك واتحررت من بين ايديك
الطفلة اللي كانت لعبتك ومن ضعفها جت قوتك
اهي اتغيرت من ناحيتك والبركة فيك
الطلفة المطيعة اللي سلمت طلع ليها صوت واتكلمت
كانت لعبتك واتعلمت تلعب عليك
مافيش فايدة فيك ولا فية امل لا جايز ولا بقي محتمل
ماهو اللي هيعمل كان عمل حاجة من زمان
فاضل بينا اية نتشدلة فاضل بينا اية هنكملة
دة بينك وبيني اتقفلو كل البيبان
عشان خاطرة
عشان خاطرة ياما سمعت الكلام ومن غير كلام
اوام بعمل اللي يقولي علية
مابزعلش منة لو ازعل معاة وعايشة برضاة
وسيبالة نفسي امانة في ايدية
لو قالي اية مابسالش لية مابقولش انا تلات التلاتة كام
انا ساكتة اهو ومبقولش يوم علي حاجة لا
وكلامة يمشي علي قلبي وعلية
من غير ما ياخد رائي موافقة
ومعاه انا من ايدية دية لي ايدية دية
مين بيعيش
مين بيعيش اكتر من عمرة مين عارف قدرة
عشان يا حبيبي نضيع يوم في البعد
لية دة زمان كان اللي يشوفنا يحلف بحياتنا
وان احنا لبعض
ازاي بنضيع من روحنا واحنا موافقين بالساهل
لو مش هنخاف علي روحنا في الدنيا دي اية يستاهل
ايامنا ساعات وتفوت يا اما نعيش يا نموت ازاي ساكتين
فين من يوم مانا وانتا بعدنا اية اللي جرالنا
دة انا فاكرة غيابك عني حكاية وقت
شوف بنموت ازاي من شوقنا مش كنا زمنا
عايشين دلوقت
ضمني بعيونك
ضمني بعيونك حسسني بحبك لية قرب نور ليالية
في اجمل اية في الدنيا غير ان في حضنك اعيش
انا عشت سنيني استناك دة الحب اللي انا بتمناة
كان قابلك ضايع عمري ومكنتش يوم عايشاة
ولا هقدر اعيش بعديك ولا قلبي يكون غير ليك
ولا كل الكون يسوي لهفتي وحنيني ليك
دة اللي اتمنياتة والحلم اللي انا حبيتة وياك عشتة وحسيتة
ومعاك حبيت الدنيا واتمنيت ماتسبنيش
لو مرتاحة معاة
انا لو مرتاحة معاة وبعيش ايامي في حب وحاسة اني انا لاقية
اية يخليني اعيش من غيرة او اقسي علية
انا لو مرتاحة معاة وبلاقي في قربة اللي انا عايزة واللي انا حاسة
اية اللي يخليني ابعد روحي ولا اسال فية
بيعاملني يا ناس معاملة مش هي وراضية بيها
والكلام يدوب علي قد السؤال
يرضي مين في الدنيا دية ابقي عايشة انا واحدة لية
وهو مابيسالش عني ولو سؤال
انا استحملت كتير انا عمري ما كنت استاهل منة دة غير الخير
انا مش ندمانة بس انا زعلانة وخايفة علية
معرفش انا كل دة لية اية اللي جرالة غير حالة اثر فية
قساة علي قلبي ونساة حبي وعشرتي لية
جيالك
وجيالك بشوق الدنيا جيالك وحشني ونفسي اقولهالك
حبيبي في قلبي شايلالك غرام مايجيش علي بالك
وناويالك سنين العمر اعشهالك حبيبي انا روحي ريحالك
بزعل بس بصفالك بطيبة نفسي سمحالك
قلبي معاك لا نسيتك ولا هنساك
لو عنك كنت بعيد علي طول بالخير فكراك
قلبي معاك م الليلة هكون وياك
انا هيموتني الشوق مش قادرة استني لقاك
في احلامك هعيش وياك في احلامك هقسمك كل ايامك
لاخر عمري يا حبيبي هفضل عايشة قدامك
وعلشانك اضحي بروحي علشانك في الوقت الجرح انا مكانك
وحتي في يوم ما تنساني يعز علية نسيانك
خيط ضعيف
في خيط ضعيف رابط ما بينا ودة النصيب
هتخاف علية هخاف علية هتسيب هسيب
لحد امتي هخاف لوحدي يا حبيبي
الخيط خلاص مبقاش متحمل رعشة ايدي
لو انتا مش عايز نهاية ولسة همك الحكاية
صبر قلبي بلمسة احس ان انتا قريب
انتا الشمس بس خلاص قربت تغيب
حاجات كتير سبناها ضاعو خلاص بقو ذكريات
وسنينا اللي تعبناها مفضلش منهم غير لحظات
لحظات بتهدد حكايتنا لا نحن لا نعلن نهايتنا
بايديك الخيط يقوي في لحظة والجرح يطيب
او تضعف واضعف ونسلم وتسيب وانا اسيب
في خيط ضعيف رابط ما بينا ودة النصيب
هتخاف علية هخاف علية هتسيب هسيب
الرئيسية 
التسجيل 
دخول 
موضوع: :: حصـريـــا :: كلمات البــوم :: جــنـات :: حـــب امتـــــــــلاك :: 
23/5/2009, 03:35
